रसुवाको भोटेकोशी बाढी: उद्धार तथा राहतमा २१ हजारभन्दा बढी सुरक्षाकर्मी परिचालित

Nepal NB News

१७ भदौ २०८३, बुधवार

रसुवाको भोटेकोशीमा आएको बाढीपछि उद्धार, राहत र सुरक्षा व्यवस्थापनका लागि हालसम्म कुल २१ हजार ३१४ जना सुरक्षाकर्मी परिचालन गरिएको छ। यो अद्यावधिक विवरण १७ भदौ २०८३ बिहान ९ बजेसम्मको हो।

परिचालित सुरक्षा निकायहरूमा नेपाल प्रहरीका ७ हजार ९१२ जना, नेपाली सेनाका ९ हजार १९९ जना र सशस्त्र प्रहरी बल नेपालका ४ हजार २०३ जना रहेका छन्।

तीनवटै सुरक्षा निकायको संयुक्त प्रयासमा बाढी प्रभावित क्षेत्रमा उद्धार तथा राहत कार्य जारी रहेको जनाइएको छ।

प्रकाशित : १७ भदौ २०८३, बुधवार 11:16