सिरहामा ट्रकको ठक्करबाट मोटरसाइकलमा सवार दुई जनाको मृत्यु

Nepal NB News

२० कार्तिक २०८३, बिहिवार

सिरहाको भलुवाहीमा ट्रक र मोटरसाइकल एकआपसमा ठोक्किँदा दुई जनाको ज्यान गएको छ। दुर्घटनामा मोटरसाइकलमा सवार दुवै पुरुषको मृत्यु भएको हो।

जिल्ला सिरहा नगरपालिका–११ स्थित चौहर्वा–सिरहा सडकखण्डमा २०८३ कात्तिक १९ गते बिहान करिब १० बजे दुर्घटना भएको प्रहरीले जनाएको छ। चौहर्वाबाट सिरहातर्फ जाँदै गरेको विद्युत् प्राधिकरण मधेश प्रदेश प्रादेशिक कार्यालय जनकपुरको ना.१ घ.५५३ नम्बरको ट्रक र विपरीत दिशाबाट आउँदै गरेको स.९ प.७६५० नम्बरको मोटरसाइकल आपसमा ठोक्किएका थिए।

दुर्घटनामा गम्भीर घाइते भएका मोटरसाइकलका दुवै चालकलाई उपचारका लागि प्रादेशिक अस्पताल सिरहा पुर्‍याइएको थियो। चिकित्सकले बिहान १०:२५ बजे उनीहरूलाई मृत घोषणा गरेका हुन्। मृतकको नामथर र ठेगाना खुल्न सकेको छैन।

दुर्घटनापछि ट्रक चालक फरार रहेको र उनको खोजी भइरहेको छ। मृतकको पहिचान तथा आफन्तको खोजी गर्ने कार्य जारी रहेको छ भने दुर्घटनामा संलग्न दुवै सवारीसाधन कार्यालयमा ल्याउने प्रक्रिया भइरहेको छ।

प्रकाशित : २० कार्तिक २०८३, बिहिवार 14:12