कञ्चनपुरमा ७,४०० प्याकेट आतसबाजी बरामद, ३ लाख ७० हजार बराबरको पटका नष्ट

सशस्त्र प्रहरी बलको पैदल गस्ती टोलीले दोधारा चाँदनीको फोरलेन पुल क्षेत्रबाट सामग्री फेला पारेपछि कानुनबमोजिम नष्ट गरिएको

Nepal NB News

१२ कार्तिक २०८३, बुधवार

कञ्चनपुर। सशस्त्र प्रहरी बल, नेपालको पैदल गस्ती टोलीले कञ्चनपुरको दोधारा चाँदनी नगरपालिका–१ स्थित फोरलेन पुल सडकखण्डको बाँध क्षेत्रबाट ठूलो परिमाणमा आतसबाजी (पटका) बरामद गरेको छ। बरामद सामग्रीलाई प्रचलित कानुनबमोजिम नष्ट गरिएको जनाइएको छ।

सशस्त्र प्रहरी बल, नेपाल नं. ३५ गण हेडक्वार्टर शैलेश्वरी, कञ्चनपुर तथा मातहतका युनिटबाट खटिएको टोलीले मिति २०८३ साल ०७ गते ११ गते गस्तीका क्रममा उक्त क्षेत्रबाट रु. ३,७०,००० बराबरका ७,४०० प्याकेट आतसबाजी बरामद गरेको हो।

बरामद आतसबाजी प्रचलित कानुनी प्रक्रिया पूरा गरी नष्ट गरिएको बलले जानकारी दिएको छ।

सशस्त्र प्रहरी बलले सीमा सुरक्षासँगै गस्ती र निगरानीलाई निरन्तरता दिँदै आएको छ। यस्ता कारबाहीले अवैध वा जोखिमयुक्त सामग्रीको ओसारपसार नियन्त्रणमा सहयोग पुग्ने अपेक्षा गरिन्छ।

प्रकाशित : १२ कार्तिक २०८३, बुधवार 12:58