बसमा लुकाएर ल्याइएको १४.२८ ग्राम हेरोइन जस्तो पदार्थसहित धादिङका २९ वर्षीय युवक नियन्त्रणमा
Nepal NB News
९ कार्तिक २०८३, आइतवार
काठमाडौँ। जिल्ला प्रहरी परिसर काठमाडौँले १४.२८ ग्राम लागू औषध खैरो हेरोइन जस्तो देखिने पदार्थसहित एक जनालाई नियन्त्रणमा लिएको छ।
प्रहरीका अनुसार मिति २०८३।०७।०८ गते अन्दाजी बिहान ७:३० बजेको समयमा चन्द्रागिरि नगरपालिका–२ नागढुङ्गा स्थित चेक प्वाइन्टमा काकडभिट्टाबाट काठमाडौँ आउँदै गरेको प्र.१-०२-००२ ख १२८२ नम्बरको बसलाई रोकी जाँच गरिएको थियो।
प्रहरी प्रभाग नागढुङ्गार लागू औषध नियन्त्रण ब्यूरो, शाखा कार्यालय नागढुङ्गाबाट खटिएको संयुक्त प्रहरी टोलीले चेकजाँच गर्ने क्रममा उक्त बसमा सवार धादिङ जिल्ला, निलकण्ठ नगरपालिका–१४ बस्ने वर्ष २९ का जोनाम लामालाई प्लास्टिकमा लुकाइछिपाई ल्याएको १४.२८ ग्राम हेरोइन जस्तो देखिने पदार्थसहित फेला पारेको हो।
उनलाई थप अनुसन्धानका लागि नियन्त्रणमा लिइएको प्रहरीले जनाएको छ। प्रहरी उपरीक्षक एवं प्रवक्ता / सूचना अधिकारी दान बहादुर थापाले यो जानकारी दिएका हुन्।
थप समाचार
सामाजिक
मथुरामा ट्याक्टर पल्टियो, सहचालकको ज्यान गयो; चालक उपचाररत
Nepal NB News
सुनसरीमा ५७ किलो गाँजाजस्तो पदार्थ र दुई मोटरसाइकल बरामद
नेपाल मानव अधिकार परिषद्मा निर्वाचित, १८० मध्ये १७३ मत प्राप्त
Nepal NB News
सप्तरीका सीमावर्ती क्षेत्रबाट ५ लाख ७३ हजारको अवैध सामान बरामद, ३ मोटरसाइकल नियन्त्रणमा
मटिहानीमा भन्सार छली ल्याइएको रु. ७ लाखभन्दा बढीको सामान सशस्त्र प्रहरीले समात्यो
Nepal NB News
Shares