मटिहानीमा भन्सार छली ल्याइएको रु. ७ लाखभन्दा बढीको सामान सशस्त्र प्रहरीले समात्यो

खजुर, सुर्ती र तुलसी पत्ता बोकेको अटोसमेत नियन्त्रणमा

Nepal NB News

१० कार्तिक २०८३, सोमवार

महोत्तरी, ०९ कात्तिक (मिति २०८३।०७।०९) – भारतबाट भन्सार नतिरी अवैध रूपमा नेपाल भित्र्याइएको रु. ७ लाख २ हजार बराबरको सामान सशस्त्र प्रहरी बल, नेपालले नियन्त्रणमा लिएको छ।

मटिहानी नगरपालिका–७ को भुट्टा गल्लीमा गस्ती गरिरहेको सशस्त्र प्रहरी बल नं. ९ गण, हेडक्वार्टर महोत्तरीबाट खटिएको गाडी मोबाइल टोलीले खजुर, सुर्ती र तुलसी पत्ता भएको सामानसहित ढुवानीमा प्रयोग भएको अटो बरामद गरेको हो।

बरामद सामान र सवारी साधनको कुल मूल्य रु. ७ लाख २ हजार रहेको सशस्त्र प्रहरीले जनाएको छ। सामानलाई थप कारबाहीका लागि सम्बन्धित निकायमा बुझाउने प्रक्रिया अघि बढाइएको छ।

प्रकाशित : १० कार्तिक २०८३, सोमवार 11:43