राप्रपाको ७४ जिल्लामा अधिवेशन सम्पन्न, तीन जिल्लामा बाँकी

Nepal NB News

१६ असोज २०८३, शुक्रवार

राष्ट्रिय प्रजातन्त्र पार्टी (राप्रपा) ले देशका ७४ जिल्लामा जिल्ला अधिवेशन सम्पन्न गरेको जनाएको छ। अब रसुवा, नुवाकोट र धादिङमा भने जिल्ला अधिवेशन हुन बाँकी रहेको पार्टीका प्रवक्ता मोहन श्रेष्ठले जानकारी दिएका छन्।

प्रवक्ता श्रेष्ठका अनुसार यी तीन जिल्लामा पनि छिट्टै अधिवेशन सम्पन्न गर्ने तयारी भइरहेको छ। उनका अनुसार रसुवा, नुवाकोट र धादिङ भदौ १० गतेको भोटेकोशी बाढीबाट प्रभावित भएकाले ती जिल्लाका लागि अधिवेशनको कार्यतालिकामा केही सहुलियत दिइएको थियो।

राप्रपाले जिल्ला अधिवेशनको प्रक्रिया पूरा गरेपछि आगामी मंसिर २६ देखि २८ गतेसम्म केन्द्रीय महाधिवेशन आयोजना गर्ने तयारी अघि बढाएको छ।

प्रकाशित : १६ असोज २०८३, शुक्रवार 11:48