सप्तरीका सीमावर्ती क्षेत्रबाट ५ लाख ७३ हजारको अवैध सामान बरामद, ३ मोटरसाइकल नियन्त्रणमा

रु. १ लाख ५१ हजार बराबरका आतसबाजी बरामद गरी नष्ट

३० असोज २०८३, शुक्रवार

सप्तरी। सशस्त्र प्रहरी बल, नेपाल नं. ६ गण हेडक्वार्टर सप्तरीबाट खटिएको टोलीले सप्तरीका विभिन्न सीमावर्ती क्षेत्रबाट अवैध रूपमा चोरी पैठारी गरी ल्याइएका सामान बरामद गरेको छ।

मिति २०८३।०६।३० गते खटिएको टोलीले किराना सामान, कुर्सी तथा ती सामान ढुवानीमा प्रयोग गरिएका ३ वटा मोटरसाइकल सहित जम्मा रु. ५,७३,४५६।– बराबरका सामान बरामद गरेको हो। बरामद सामान र मोटरसाइकल कारबाहीका लागि सम्बन्धित निकायमा बुझाइएको छ।

सोही अभियानका क्रममा टोलीले रु. १,५१,७४९।– बराबरका आतसबाजी (पटका) पनि बरामद गरेको छ। बरामद आतसबाजी नियमानुसार नष्ट गरिएको सशस्त्र प्रहरीले जनाएको छ।

प्रकाशित : ३० असोज २०८३, शुक्रवार 16:39