चीनबाट नेपाललाई ४ ठूला ड्रोन, विपद् उद्धारमा प्रयोग गरिने

Nepal NB News

१८ भदौ २०८३, बिहिवार

काठमाडौं । चीन सरकारले विपद् तथा उद्धार कार्यमा प्रयोग गर्न नेपाललाई उपलब्ध गराएका ४ वटा ठूला क्षमताका ड्रोनको सफल परीक्षण गरिएको छ।

विपद्का समयमा राहत तथा उद्धार सामग्री ओसारपसारलाई सहज बनाउने उद्देश्यले उपलब्ध गराइएका यी ड्रोनले प्रतिड्रोन ८० किलोग्रामसम्मको भार बोक्न सक्ने क्षमता राख्छन्।

परीक्षण सफल भएसँगै यी ड्रोनलाई आवश्यकता अनुसार विपद् प्रभावित क्षेत्रमा उद्धार तथा राहत कार्यमा परिचालन गर्न सकिने अपेक्षा गरिएको छ। विशेषगरी दुर्गम तथा सडक पहुँच कठिन भएका क्षेत्रमा राहत सामग्री पुर्‍याउन ड्रोन उपयोगी हुने विश्वास गरिएको छ।

प्रकाशित : १८ भदौ २०८३, बिहिवार 12:35